小火山 (已結業)

铜锣湾收工之后喺鹅颈桥附近见到个招牌主打泰式烧肉火锅，由于我同老婆之前去泰国非常喜欢依种菜式，所以就入去试吓。餐厅只要叫𠮶烧肉拼盘就会送两个汤底，由于老婆怕辣，我哋今次叫咗牛骨船面汤底及香茅椰子鸡汤，加咗$20仲有佢哋招牌猪肉拼盘，平时打边炉都好少叫猪肉但见佢招牌主打所以试吓。猪肉拼盘包含了四种唔同产地唔同部位嘅猪肉，亦都包括左北海道，伊比利亚黑毛猪，猪颈肉同猪腩片，四款都十分喜欢，个人最推荐北海道猪，肉味香浓油脂感咁丰富。汤底亦都非常食得出有落心机煲而唔系平时冇乜味嘅汤底。另外我哋亦叫咗一款小食一款甜品，小食就试咗刺身杯包括生蚝，生虾同三文鱼，配上泰式酱汁非常新鲜惹味。另外甜品叫咗蝶豆花芒果糯米饭，由于我哋食得太饱呢个一口糯米饭非常适合我哋。饮品方面叫左一杯有酒精既18碌冰酒，其实系菠萝沙冰Cocktail,老婆就叫咗火山青柠蓝泡泡，非常清新，如果想试吓泰国烧肉打边炉，记得黎试吓。