泰 (已結業)

今日嚟到黄大仙工作， 同事话揾间好嘢一齐食lunch，佢就介绍食泰国嘢，本身我就话泰国嘢梗系九龙城喇,黄大仙乜有㗎咩，我真系少见多怪，今次嘅黄大仙之旅，又一惊喜作品。招牌泰式海南鸡半只，完全冇谂过咁滑，正正做得返泰国嘅口味同埋味道，完全出色过咩心嘅sir滑鸡。泰式菠萝鸡肉炒饭， 佢就唔系原个菠萝上，不过用料十足，入面净系有提子干呢样，已经够惊喜，甜甜地更易入口，更加美味。泰式炒金边粉， 本身都有啲犹疑唔想叫， 因为惊炒嘢太过油腻， 冇谂过嚟到咁干身， 食落个底都系有少少油， 不过完全可以接受系喺范围之内。泰式奶茶同泰式其实有少少出入， 不过佢好过好多茶餐厅嘅奶茶，茶味十足，又不失奶味。最后走嘅时候仲俾我见到有得外卖，海南鸡，下次揸车经过，真系要买返去加料。