泰聚 (已搬遷) 新店位置

揸车经过餐厅附近, 见到出边有位泊, 决定泊低架车, 去试试呢间餐厅。可能时间早, 所以唔需要等位, 即有4人枱。餐厅装修几靓, 有别于之前所去过嘅泰国餐厅。环境好舒服, 啲位好适合高嘅人坐。特别系个厕所, 一定要睇下。4个人叫咗5个菜。泰式生虾, 虾好新鲜, 虾肉弹牙, 重有小片苦瓜做配菜!沙爹串烧, 有猪, 牛, 鸡, 串烧普普通通, 但个酱好好食叫咗个小食拼盘, 但唔记得影相, 份量好多, 鸡翼好味海南鸡半只, 鸡皮爽口, 鸡肉好滑, 呢个系值得一叫。盐焗乌头, 用咗好多盐味去腌同烧。打开鱼肚, 见到好多香料例如香茅, 南姜及香叶, 鱼肉啖啖盐味，鲜肉唔腥, 唔洗点酱都已经好够味。