新泰東南亞餐廳 (已結業)

环境5分：西餐厅格局，环境好有泰国地道风味，好有特色。全层好大，Ｄ位够阔，又冇话密密麻麻，坐得舒服，可以畀五分。卫生5分：环境地方，D枱枱櫈櫈，餐具好干净，一样五分。服务5分： 我地饮水快，服务员好吻合地都加得快，落单爽手，唔啰唆，满分。味道5分：1)      个炭烧猪颈肉已经切好一片片，Ｄ肉好爽好脆，香口又够汁。2)      日本南瓜焗海鲜饭，用原只日本南瓜焗，一上枱已经闻到Ｄ椰香味。同埋Ｄ海鲜同饭爆晒咁出现，个日本南瓜争Ｄ装唔晒。海鲜主要有青口虾同鱿鱼，Ｄ饭焗到好香。3)      泰式炒椰菜仔，椰菜仔出面比较少食到，所以就嗌嚟试下，一个个细圆形切开一半咁上枱，都几爽口，一定系健康之选。抵食5分：三旧水食个饱肚泰式晚餐，有菜有肉有海鲜同饭，绝对抵食！