ASOK THAI CAKE

营业中

休息中

今日去咗中环嘅Asok Thai Cake试佢哋嘅泰式蛋糕真系惊喜！我一去到就见到佢哋雪柜入面嘅蛋糕造型精致，特别系啲生果嘅造型好逼真。由于我要买个生日蛋糕，所以拣咗泰国青柠士多啤梨慕丝蛋糕，4吋size够4人食用。呢个蛋糕真系睇得又食得，最适合打卡留念。我真系估唔到粉红色嘅士多啤梨造型入面都有咁多馅，佢地用咗士多啤梨慕丝同果泥组成。蛋糕上面铺满花花草草同埋泥土，而呢个泥土就系朱古力脆脆，令到口感更加丰富。蛋糕嘅外围用薄薄嘅白朱古力围住，入面有好多层layers，每一口都可以食到士多啤梨红红桑子果泥，薄片嘅海绵蛋糕同埋厚身嘅士多啤梨慕丝。加埋泰国青柠嘅味道，同甜甜嘅士多啤梨一齐，成个蛋糕嘅味道配合得好好，酸酸甜甜，真系开胃又解腻。除咗味道之外，蛋糕嘅质地亦都好出色。海绵蛋糕软绵绵，慕丝层口感滑顺，而士多啤梨果泥嘅质感就好似新鲜果肉咁，好滋味。整体嚟讲，呢个泰式蛋糕真系好好食，特别适合当作生日蛋糕或者系朋友聚会嘅甜品。