金坊泰國美食

营业中

休息中

今日去开呢边做嘢，同朋友近近地，揾间餐厅一齐食晏昼！一上电梯就见到呢间「金坊泰国美食」，铺面几靓，餐牌价钱合理，就入去啦！朋友叫咗「自选汤粉」，而钟意食海南鸡饭嘅我，见到佢写住有招牌海南鸡饭，就梗系叫呢个啦！海南鸡饭会送一个餐汤，我拣咗「椰奶鸡汤」。首先送来嘅系鸡汤，椰奶味唔重，反而酸味比较重啲，似唔辣嘅泰式冬阴公。我钟意酸，所以好啱我口味！ ！呢碗汤系我呢餐觉得最有亮点嘅食品！之后就送海南鸡饭嚟啦，鸡嘅份量唔系特别多。然后，配一款泰式酸辣汁。泰式海南鸡饭嘅鸡唔算滑、鸡味亦唔浓，所以比起新加坡嘅海南鸡口好感真系唔一样！不过唔紧要，因为泰式海南鸡饭个重点系佢个泰式酸辣汁！但系真系有啲失望，因为今次嘅泰式酸辣汁除咗辣味之外，冇咩其他味……可能呢个招牌海南鸡饭唔太啱我口味，不过钟意食辣嘅朋友，都可以黎食下嘅。