小曼谷泰國美食 (已搬遷) 新店位置

今日同男朋友约会，大家都好想泰国菜，当然要专程去九龙城啦，而「小曼谷」真系我信心之选啊。第一次平日嘅中午时间嚟到，人流相比晚夜就无咁多人，好快就可以坐低开餐啦！(๑˃̵ᴗ˂̵)و 首先嚟个主食，泰式干炒鱼面（鸡肉）。我会拣呢道菜主是系因为鱼面！相信唔多餐厅有鱼面食，有啲似上海粗面，但更加有口感，好弹牙！重头戏开始嚟啦，呢碟系「泰式牛油蒜蓉大虾」，唔好以为好普通，你睇图都会见到大虾非常厚肉，而且无需太多调味下食到虾嘅鲜味，上面仲有炸鱼仔，脆卜卜几特别～第二道海鲜系咖哩炒蚬！一上菜有吓亲，估唔到咁大碟，上面有大概十多只嘅大蚬，咖哩亦好香浓，我自己就吃到有鸡蛋、洋葱、姜葱、青椒、芫荽等等！有咁多咖哩汁当然唔好嘥啦，最后再点蒜蓉包食！一啲都唔会浪费啊～饮品方面，分别有芒果仲多过沙冰嘅芒果沙冰！同埋口感十足嘅珍多冰！