亞泰

营业中

休息中

将军澳新开嘅THE LOHAS最近嘅讨论度都非常高，除咗有好溜冰场有playroom俾小朋友放电，美食医肚都唔少行。好surprise商场内唔多连锁餐厅，好多美味又有心机嘅细店，今次食嘅亚泰系其中一间。亚泰位置都几易揾，门面大又光鲜。主打泰式美食，价钱属平民价位，难怪晚市时段都坐满8成。台之间的空间足够宽阔，可以relax食餐饭唔怕隔离枱听到。食品种类多，而且都几大碟，好抵食啊！原只龙虾海鲜山冬荫功汤河 $88劲大碗都只系$88，而且卖相非常讨好。同相片系一模一样㗎～好似手掌咁大只嘅龙虾原只上，龙虾头虽然无乜肉但令到汤底带有鲜浓嘅龙虾味。龙虾身啖啖肉，爽口弹牙。海鲜山其实就系鱼蛋、墨鱼丸、鱼片同两只鱿鱼仔，料都几多好够食。河粉弹牙唔痴牙，唔错。泰式明炉乌头 $138酸梅肉碎舖面，酸酸地非常开胃，配菜份量好多好足，鱼肉多，肉质滑嫩。招牌咖喱手拆蟹肉枕头包 $128舖面的手拆蟹肉份量劲多舖满系个咖喱上面，咖喱汁索面成个包，外脆内浸满咖喱，好惹味。蒜蓉炒椰菜苗 $68椰菜苗炒得好脆口，菜苗新鲜。蒜蓉炒得刚好，唔会太多掩盖晒菜嘅青草味。