四面泰泰式火鍋

营业中

休息中

作为朋友身边嘅「打边炉之鬼」，试问日式、川式、台式、港式嘅火锅，有边样冇试过？但系今次真系有新尝试「四面泰-泰式火锅」行行下街发现响沙田嘅新城市广场一期嘅7楼，原来开咗呢间专门食泰式火锅嘅餐厅。我哋入到去就嗌咗个「椰奶鸡汤锅」，汤底浓郁，传嚟阵阵椰奶香气，店员建议我哋可以打边炉前先饮一饮个汤，我好听话架，我仲饮咗四碗添。煲入面原本已经有啲鸡肉，但系我哋再嗌咗个「鲜香椰汁去骨鸡腿肉」令到个汤更加香更加滑。我哋仲食咗「四面拼盘」，即系四种手工丸，包括墨鱼丸虾丸牛丸同埋猪肉丸我特别钟意虾丸，因为够哂爽口弹牙。仲嗌咗个「泰国船面河粉」，呢个平时一定少机会食到啦，惊喜嘅系佢原来同个汤底都好夹㗎。蔬菜就拣咗「唐生菜」。我哋见到隔离枱嘅「炭烧猪颈肉」卖相好得，即刻唔执输都嗌咗一碟，果然系好味道，充满油香，但系肉质腍滑。最后甜品系「招牌椰皇冻」呢个招牌椰皇冻真系不得了，椰香四溢，入口冰冻但口感细滑，同埋份量都唔少，适合两个人分享。总括嚟讲呢一次嘅泰式火锅体验令我留低一个好深刻印象餐厅地方阔落，唔会迫迫夹夹，而且光猛干净，系好适合一班朋友嚟打边炉吹水。