小火山 (已結業)

今日约咗个朋友聚一聚，听佢讲原来铜锣湾开咗一间可以同时烧肉同打边炉嘅餐厅，我哋二话不说就book咗！原来而家泰国好兴呢种同时烧肉同打边炉模式，而小火山除咗提供多款肉类，仲有提供唔少泰式食物。餐厅环境好chill，有好多植物，仲有现场busking可以听！今次又可以烧肉又可以打边炉，好开心！而且打边炉仲可以选择两款汤底，今次我拣咗香茅椰汁鸡汤同牛骨船汤。香茅椰汁鸡汤味道好特别，椰汁味好香，带点酸味。牛骨汤味道非常浓郁，牛味好重。小火山三味刺身一口杯盛合三味刺身分别有生蚝、三文鱼同生虾。生蚝大大粒，配咗啲辣味嘅酱汁，好惹味。三文鱼几大片，好新鲜。泰式生虾好鲜甜，质地弹牙，都配有辣辣地嘅酱汁。小火山经典泰猪锅拼盘猪肉拼盘有多款唔同部位嘅猪肉，例如有猪梅花肉、猪颈肉、猪腩肉等等。猪梅花肉肉感比较重，适合用嚟打边炉。猪颈肉充满油香，有咬口。猪腩肉我建议用嚟烧，烧完之后猪腩肉表面金黄色，油脂感爆满！泰式猪梅花肉片依款配有一只蛋，煮之前可以先将梅花肉片沾满蛋。依款我攞咗嚟烧，因为有蛋嘅关系，所以识落特别香。而且猪扒大大块，肉质好软淋。炸虾片配冬阴蛋黄酱炸虾片有好大篮，每块都好大块，食落好香脆。冬阴蛋