Thai Basil (已搬遷) 新店位置

今日嚟到金钟揾嘢食去咗一间喺太古广场嘅泰国餐厅叫Thai Basil。好奇怪呢间餐厅系冇椰青饮的但系佢会用椰水做甜品。 话虽如此佢哋杯香茅特饮亦都唔错， 可以一试。佢哋嘅泰国串烧，菠萝和带子好味。 菠萝好甜，带子新鲜。但系其他就一般尤其系只大虾可以唔食。佢哋个菠萝炒饭虽然唔系原只菠萝上但系味道非常好味。 用嘅米系粗米好有噍口，加上有我最喜爱嘅串烧菠萝，正!个田鸡沙律就有点失望啦! 虽然田鸡肉质还算好但系啲酱汁太过酸了。炸虾饼口感唔错但系欠缺虾味。。最有惊喜嘅就系佢地的泰式烧鳝， 不但皮脆肉嫩，仲系弹口嘅。 我食完仲想再点多一碟。但系怕食唔晒所以冇。 下次过嚟一定要再食，必食!至于个甜品可以唔使食! 佢哋嘅香蕉糕真系好韧同埋佢哋嘅椰汁糕好似食大菜糕冇乜特别。大致上嚟讲呢间系值得再嚟食嘅地方， 地点又方便一出地铁站就见到啦，值得再嚟。