ChaTraMue

营业中

休息中

今日去尖沙嘴，食饱饱。就行咗去附近一间好出名嘅泰国饮品连锁店，买咗杯店内推介嘅泰国斑兰珍珠玫瑰花茶鲜奶。因为我系好钟意饮加入玫瑰味嘅饮品，俾佢嘅玫瑰饮品吸引住。 仲要有我最钟意的珍多冰绿色珠珠出现，当然唔会放过。 喺买呢杯玫瑰饮品前我已经留意到佢poster 写住饮后会泻，我初头有啲却步。但见个friend都咁够姜买来饮，就试一试啦。结果我不敌海报上嘅警告字句，泻左全晚。我朋友第二日都泻足全日。 不过佢杯饮品喺调得几好味，鲜奶同玫瑰比例刚好，玫瑰同牛奶味各半。绿色珠珠好有咬感。 同一般出面台式饮品店卖嘅珠珠唔同口感。 泰式珠珠比较粉同爽口。 喜欢泰式饮品嘅朋友，唔怕泻可以试试。