影片
更多
2014-03-01
60 浏览
新年前后，绝对系同朋友高高兴兴分享美食的时候~身处于美食天堂，你想食咩菜式都可以o系香港揾得到﹗新年前我就同朋友去左Greyhound Cafe IFC店食团年晚餐~来自泰国的Greyhound原本系当地一个fashion brand后来发展出Greyhound Cafe将时装的玩味注入美食之中带来创意十足的泰式美食香港系品牌第一个海外分支点门外的墙画似乎带出了品牌的格言："Life is a journey, full of pictures, places, stories, and good tasting recipes"我都认为人生真系不能没有美食啊~~~由fashion brand演变出来的Greyhound Cafe以黑、白基础色调为主环境布局带点时尚、悠闲感觉就连menu都冇咁死板~另外，每次经过此店无论几点都总有人龙等位﹗所以预先订位比较好啊~第一次到访，大家决定叫齐呢度的signature dish!前菜包括：软壳蟹沙律配蜜糖芥末酱、招牌脆炸单骨鸡翼、意大利肉肠芝士馅饼、脆炸粟米蟹肉饼配甜酸酱【软壳蟹沙律配蜜糖芥末酱】$128脆度适中，只用了少量炸粉~略嫌蜜糖芥末酱
身处于美食天堂，你想食咩菜式都可以o系香港揾得到﹗
新年前我就同朋友去左Greyhound Cafe IFC店食团年晚餐~
来自泰国的Greyhound原本系当地一个fashion brand
后来发展出Greyhound Cafe
将时装的玩味注入美食之中
带来创意十足的泰式美食
香港系品牌第一个海外分支点
门外的墙画似乎带出了品牌的格言：
"Life is a journey, full of pictures, places, stories, and good tasting recipes"
我都认为人生真系不能没有美食啊~~~
由fashion brand演变出来的Greyhound Cafe以黑、白基础色调为主环境布局带点时尚、悠闲感觉
就连menu都冇咁死板~
另外，每次经过此店
无论几点都总有人龙等位﹗
所以预先订位比较好啊~
第一次到访，大家决定叫齐呢度的signature dish!
前菜包括：
软壳蟹沙律配蜜糖芥末酱、招牌脆炸单骨鸡翼、意大利肉肠芝士馅饼、脆炸粟米蟹肉饼配甜酸酱
【软壳蟹沙律配蜜糖芥末酱】$128
脆度适中，只用了少量炸粉~
略嫌蜜糖芥末酱太浓味，盖过蟹味了
软壳蟹size算大的，不过4个人分就只能分得一口~
老实讲，价钱都几贵啊~
【招牌脆炸单骨鸡翼】$68
鸡翼大人细路都爱吃，几乎点整都好好味~
外皮炸得刚好，唔会过多油或过咸
脆脆的好香口，入面D肉仍然好嫩﹗
呢碟其实好想encore~~~
【意大利肉肠芝士馅饼】$108
作为一个前菜，呢个馅饼好大份~~
2片脆脆地的薄饼夹著厚厚的肉肠及芝士内馅
实在扮唔到淑女，要落手好似食汉堡包咁食~~
肉肠切得很细小，馅料食落有D似肉酱意粉
如果个芝士再浓味D就更好﹗
奉劝各位唔好咁搏命食呢个，会影响战斗力呀~
【脆炸粟米蟹肉饼配甜酸酱】$88真心推介呢个热辣辣的蟹肉饼﹗﹗
炸粉够薄身且脆口，入面一丝丝的蟹肉都唔少架﹗
同粟米的味道好夹
而且唔系劲落粟米悭蟹肉啊~
点埋甜酸酱就更醒胃~
主菜包括：泰式咸鱼干辣椒意大利面、泰式河虾冬荫公汤河粉、香草辣椒炒鸡肉碎配白饭、鲜虾炒金边粉
【泰式咸鱼干辣椒意大利面】$108
呢个意粉竟然落左咸鱼干﹗
一上碟已经咸香四溢啦~~~
唔望住佢食的话，好似食紧咸鱼肉饼咁﹗
感觉好神奇~
估唔到咁样整意粉又几好味﹗
每一口都有好细小的咸鱼干碎~
又一个想encore的食物
【泰式河虾冬荫公汤河粉】本身我唔饮冬荫公，因为唔多钟意果种带香料味的酸辣
试左一小口，又唔系想像中咁大阵味同辣，可接受~
河粉十分阔且不规则，厚度刚刚好
原本以为河虾系细细只的，估唔到咁大只﹗
仲好新鲜，一D都唔霉~
【香草辣椒炒鸡肉碎配白饭】
呢个系我话要点的~
自从去苏梅食过一个非常惹味的香叶肉碎饭后
去亲食泰菜我都要点一个试试~
可惜暂时都未能食返果个味道，好多都过辣呢﹗
Greyhound Cafe呢个有少少唔同嘅系用上鸡肉，一般都用猪的
虽然都系冇苏梅果个咁好食
但辣度不算太过份，仍然食到鸡肉的味道
食到差不多到底先发现有D汁，但我个人就比较喜欢干身D~
怕太辣的朋友就唔好一开始就劲捞D肉碎
或可以先将蛋整穿，将蛋黄同饭及肉碎拌匀
【鲜虾炒金边粉】$108
主菜尾声，其实我已经饱了~
所以只系试左一小口呢个金边粉
味道咸中带甜，捞埋花生粒、芽菜口感十分丰富﹗
嚟到呢度，发现呢度用油量并不多~
感觉上健康D~
甜品时间来了~芒果芭菲、鲜制苹果金宝、新鲜椰子千层蛋糕、香蕉榛子芝士蛋糕
【芒果芭菲】
一般芭菲，不外乎一球基础味道雪糕
底下加蛋糕粒、椰果、丸子、粟米片等细细粒的零食
芒果芭菲绝对有惊喜﹗
捞底唔单止有芒果粒，竟然仲有糯米﹗
顶上是一球清新的椰子味雪芭~
呢个应该系芒果糯米饭的变奏吧~
【鲜制苹果金宝】鲜制可以有几鲜~？
就系热辣辣又脆卜卜啦﹗
一向好怕食apple crumble
因为食过太多好粉、好lum、好冇味道又冻冰冰的版本﹗
如果你有相同遭遇，一定要来试一试~~
不但crumble够热够脆，仲带点点甜味
埋藏crumble之下的苹果粒亦好大粒~
沾一点另外附上的吉士汁一齐食就更完美~
【新鲜椰子千层蛋糕】
见到「千层蛋糕」，以为系果D烟韧的糕点
原来真系蛋糕来的~~
每一层都夹著大片大片的鲜椰子﹗
不过忌廉有D滞及甜，都几漏下~
【香蕉榛子芝士蛋糕】
芝士蛋糕上面果层榛子朱古力好香~
朱古力夹香蕉是错不了的组合
朱古力甜度适中
可能之前D甜品太有惊喜
显得呢个芝士蛋糕平凡左少少~
饮品方面放弃左我最爱的咖啡点左蓝兰豆甜菊茶~
只因为个名得意~~
除了一壶茶仲有蜜糖~
倒出来的茶蓝蓝的好美~~
香气有D似真系煲出来果D菊花茶
加入蜜糖搅拌后就变成紫色了﹗
味道清幽中带淡淡的草本味
效果跟花茶一样，可以令人放轻松~
仲可以添水入茶壶呢~
完满的一餐食物有惊喜又美味
店员的服务亦不错﹗
店内全满店外又有长龙的情况下
店员仍然可以细心地留意到客人需要及快速提供协助
我地先可以食得咁开心呢~~~
张贴
