泰瀾鑊 (北角匯三期)

营业中

休息中

一入到去餐厅，气氛好有椰林树影嘅风情，感觉非常chill.三色冰，冰冰凉凉，夏天饮系最适合。椰子🥥味非常浓郁，再加上Q弹口感嘅蒟蒻，好饮又好食。辣肉碎生菜包，呢个辣肉碎好够辣味又够香，啱晒钟意食辣嘅我，肉碎香辣，加上生菜一齐包嚟食，味道更丰富。酸辣青柠乌头，乌头又好重嘅青柠味，青柠味同乌头独有嘅鱼味非常夹，而且鱼肉新鲜有结实，酸酸辣辣好开胃好好味。镬仔黄金咖喱炒大虎虾，金黄色嘅咖喱望落去已经好吸引，虎虾大大只，虾肉鲜甜爽脆，咖喱香料味十足，配搭埋一齐完全系人间美食。