亞泰

营业中

休息中

今日同老公行将军澳日出康城，真系发觉变咗好多，开咗好多食肆，超级好行。咁就系依个商场内畀我发现咗呢间泰国餐厅（阿泰）入面装修几靓，我哋午市去发觉都好多人排队入去食，证明佢有一定嘅水准。餐牌好多选择，好多嘢都想食。龙眼冰：每次去泰国菜馆都必饮，因为超级好饮又解渴，佢哋啲龙眼冰刚刚好又唔会太甜。龙眼嘅数量都几多。泰式卤水无骨猪手：超级大份，卤到好入味，入口即溶，可以配到几碗饭食。冬阴海南鸡船河： 一次过满足晒两个愿望，食到船河之余，仲饮到冬阴功汤，啲海南鸡超级滑，好足料。泰式鲜虾金边粉：真系冇谂过呢度啲份量碟碟都咁足，超多料，劲好食一啖接一啖。泰式串烧：即叫即烧，我哋叫咗鸡同猪，腌得好入味，啲沙嗲酱都好香浓。金砖四国蒜蓉包：呢个蒜蓉包系我食过最好食，牛油蒜蓉焗比例刚刚好，成个面包都烘到4边金黄。真系估唔到日出康城都有一间咁正嘅泰国菜食。