小火山 (已結業)

之前食过泰式烤锅晚餐，好钟意，今次试埋小火山嘅lunch！餐厅嘅平日午市套餐可以自选汤底同配料，而假日可以点低至$16一碗嘅小船面！配埋泰式小食一流～汤底方面，牛骨船汤非常浓郁但唔会过咸，配肥牛食一流～ 香茅椰汁鸡汤都唔错，酸酸地几开胃同埋好滋润。配料方面，美国肥牛非常值得点，唔多肥膏而且有咬口，而牛丸都几弹牙。金边粉索晒牛骨汤嘅精华好滋味😋饮品点咗芝士奶盖泰式奶茶同埋奶绿，奶盖用泰国淡忌廉同忌廉芝士，非常特别。