泰Cool

营业中

休息中

九龙湾泰Cool，环境阔落，有鸟笼特色卡位，仲有户外座位，多人聚餐无难度。甜酸咕噜鱼：鱼身轻微炸过，配上切粒菠萝、番茄仔、洋葱、腰果及三色椒，再淋上酸酸甜甜既咕噜醋汁，好食又开胃。咖喱牛腩酿巨型面包：面包上面开了一个圆盖，里面有牛腩和薯仔，再放左好多三色椒丝做装饰，上枱真系好巨型好吸睛；咖喱汁香浓而不辣，装满整个巨型面包，牛腩炆得好入味，肉质都算几腍，一啖咖哩牛腩，一啖面包，食得好过瘾。马拉盏鸡肉炒河粉：好大碟好足料，鸡肉鲜嫩，河粉质地Q弹，加上味道咸香微辣既马拉盏酱汁，真系食到泰国地道既滋味。芒果糯米饭：大半只芒果，色泽鲜艳，非常香甜，糯米饭有两款，紫糯米口感更绵密，仲加左脆米，让人垂涎欲滴。三色冰：整杯加左唔同颜色既凉粉粒，入口爽滑，椰汁味道香浓。热柠檬柚子茶：香甜好饮。总结，食物大份，价格合理，员工服务友善，食得称心满意。