another hound café

营业中

休息中

上次嚟呢个商场，啲舖头都未开，今日再嚟，发现多咗好多新舖和餐厅。用手机影二维码落单，简单方便。🌱Fruity Shaky Yogurt呢杯健康饮品有菠萝、苹果、橙和益力多制成，酸味和果香味多啲，味道微甜。而纸饮管够实净，唔会饮饮下就溶。🌱炸虾香芒米纸卷炸虾香脆，脆浆唔厚，米纸卷口感烟韧，芒果清甜，牛油果嫩滑，沙律菜，酱汁甜甜辣辣。🌱脆炸虾饼虾饼酥脆，虾肉味道浓郁弹牙，外面仲有九层塔点缀🌱泰式河虾冬荫功汤河粉冬阴功汤酸味多过辣味，仲有阵阵香茅味，味道不错，而河粉形状一片片，口感属微软身。🌱泰式柚子沙律柚子清甜唔苦，加左炸鱼仔、椰子丝和花生，香脆可口。生菜新鲜爽脆。呢间餐厅有泰式风味，而味道自然，正合我心意。