泰妹餐廳 (The Wave) (已結業)

终于嚟食泰国嘢啦，好挂住泰国嘅生虾同芒果糯米饭呀～所以放工就嚟到观塘嘅泰妹，揾返泰国嘅味道！呢度嘅位置都有空间感，啱哂三五知己嚟倾下计。我哋叫咗生虾刺身、冬荫海鲜汤同泰式虾炒金边粉。生虾呀～好钟意生虾嘅口感同酱汁，新鲜爽口！而金边粉炒得够干身，仲酸酸甜甜，好味呀~海鲜汤两个人份量啱啱好，虽然唔喺好食得辣，但喺又钟意冬荫嘅味道最后点少得椰汁芒果糯米饭，糯米同芒果真喺绝配嚟架，仲有必叫嘅椰青同珍多冰，咁先叫完整嘅一餐呢！