泰 (瓊華中心)

营业中

休息中

同朋友庆祝生日，而且好耐无食泰国菜，獠起条筋突然好想食吖，就同朋友随便揾左间食。2个人最好就是2人餐，唔使烦啦~当然要拣最爱既冬阴公汤，2只大虾，肉质弹牙，汤酸酸辣辣好开胃。串烧就拣左猪同牛，猪肉爽口而牛肉腍滑，配上惹味既沙爹酱，回味无穷。今次仲叫平时好少食既原条青柠明炉乌头鱼，鱼肉嫩滑而且仲劲多肉。仲叫左炭烧猪颈肉同泰式炒杂菜，炒杂菜有多款蔬菜，火候岩岩好~猪颈肉外层烧得香脆有咬口，但肉质偏干唔够肥美。甜品就叫左朋友至爱~榴梿麻糬，价钱唔贵。麻糬皮簿仲有劲多榴梿肉。