影片
更多
2022-06-03
29 浏览
经过见到小曼谷三个字，又超想去旅行，无得去，唯有继续味觉旅行。餐厅细细间，整洁、明亮，感觉几好。餐牌选择都好多嘢食，我地两个人叫左铁板蚝饼、串烧牛肉,鸡肉,鸡肾、泰皇咖哩煮青口、蒜蓉包、芒果糯米饭。好食顺序系:1. 小曼谷原只芒果糯米饭🥭🍚 $76芒果非常非常清甜；糯米饭仲系热辣辣，十分软糯，少少烟韧，口感好好；最正系覆盖喺糯米饭面嘅椰浆，少少甜味令糯米饭食落就更香甜，椰浆令饭更滑。 2. 泰式蒜蓉包🧄🍞 $34无用蒜蓉酱嚟做，香草、蒜蓉、多牛油，大大片法包，焗得金黄香脆、仲好香牛油味。3. 串烧🍡 每串$19叫左鸡肾、鸡肉、仲有牛肉。牛肉普通d，鸡肉烧完都仲算滑；最正系鸡肾，唔靱，但有嚼劲，仲有小小肉汁保留到。 4. 泰皇咖喱炒纽西兰青口🦪$110咖喱唔辣但好香，个汁够杰身，有椰香，用嚟点蒜蓉包好夹。而青口大只爽口。配菜嘅洋葱、唐芹索晒d咖喱汁，如果食得落，叫埋碗白饭伴食，应该十分味美。 5. 泰式铁板蚝饼🥘 $116衬热食应该唔错，蛋几香，d蚝又涨卜卜，唔腥，整个蚝饼炸得非常松化。但我地食得慢，蚝饼放凉了会觉得有点太油腻，不过问侍应要了鱼露酸辣汁，用嚟点这个蚝饼食，能减轻油腻感，而
餐厅细细间，整洁、明亮，感觉几好。
餐牌选择都好多嘢食，我地两个人叫左铁板蚝饼、串烧牛肉,鸡肉,鸡肾、泰皇咖哩煮青口、蒜蓉包、芒果糯米饭。
好食顺序系:
1. 小曼谷原只芒果糯米饭🥭🍚 $76
芒果非常非常清甜；糯米饭仲系热辣辣，十分软糯，少少烟韧，口感好好；最正系覆盖喺糯米饭面嘅椰浆，少少甜味令糯米饭食落就更香甜，椰浆令饭更滑。
2. 泰式蒜蓉包🧄🍞 $34
无用蒜蓉酱嚟做，香草、蒜蓉、多牛油，大大片法包，焗得金黄香脆、仲好香牛油味。
3. 串烧🍡 每串$19
叫左鸡肾、鸡肉、仲有牛肉。牛肉普通d，鸡肉烧完都仲算滑；最正系鸡肾，唔靱，但有嚼劲，仲有小小肉汁保留到。
4. 泰皇咖喱炒纽西兰青口🦪$110
咖喱唔辣但好香，个汁够杰身，有椰香，用嚟点蒜蓉包好夹。而青口大只爽口。配菜嘅洋葱、唐芹索晒d咖喱汁，如果食得落，叫埋碗白饭伴食，应该十分味美。
5. 泰式铁板蚝饼🥘 $116
衬热食应该唔错，蛋几香，d蚝又涨卜卜，唔腥，整个蚝饼炸得非常松化。但我地食得慢，蚝饼放凉了会觉得有点太油腻，不过问侍应要了鱼露酸辣汁，用嚟点这个蚝饼食，能减轻油腻感，而小小酸辣味同蚝饼一齐食又几夹。
泰国菜嚟讲唔算十分贵，味几好，嚟开元朗又想食泰国菜，呢度会系唔错嘅选择。
小曼谷原只芒果糯米饭
$76
1 浏览
0 赞好
0 留言
泰式蒜蓉包
$34
1 浏览
0 赞好
0 留言
张贴
