影片
更多
2018-07-19
166 浏览
放工，平淡又忙碌的工作完结了，打算去求其吃一餐。路过太兴，都满座但未至于要排队，一于食佢。呢间太兴第一次食，餐厅窄窄长长，但布置都几舒服。天花灯配合墙面密密麻麻的装修，好有香港的感觉。菜牌大致都背得出，通常都会叫一个煲仔蔬菜，胆拖另一小炒。今期新菜系泰式炸鲽鱼，即管试吓。泰式酸辣汁炸鲽鱼 $69话咁快上菜，心𥚃有点不安，莫非是预先整好会摊到冻晒？食落又唔系㖞，鱼是暖的，脆口好味。面层舖满了酸芒果、洋葱、花生、葱同埋泰式辣汁，好香好惹味。鱼又够大条，真人靓过上镜。有泰菜餐厅的水准，都只是收六十几蚊，穷人恩物。另一个煲仔菜我叫左，虾干鱼肚浸娃娃菜 $64 。呢个𩠌就相对冇咁抵食，得少少虾干同鱼肚，其余都是娃娃菜，低成本制作。味道是可以的，咸淡适中。但是如果佢俾多几条虾干，我会满意DD。叫小菜加 $19 有饭同饮品，都尚算合理。奶茶同咖啡都是得的。坐吓坐吓，原来出面已经堆满等位的人，果然系打工仔的饭堂。有 service 冇加一，呢点十分欣赏，支持！
路过太兴，都满座但未至于要排队，一于食佢。呢间太兴第一次食，餐厅窄窄长长，但布置都几舒服。
天花灯配合墙面密密麻麻的装修，好有香港的感觉。
菜牌大致都背得出，通常都会叫一个煲仔蔬菜，胆拖另一小炒。
今期新菜系泰式炸鲽鱼，即管试吓。
泰式酸辣汁炸鲽鱼 $69
话咁快上菜，心𥚃有点不安，莫非是预先整好会摊到冻晒？
食落又唔系㖞，鱼是暖的，脆口好味。面层舖满了酸芒果、洋葱、花生、葱同埋泰式辣汁，好香好惹味。鱼又够大条，真人靓过上镜。有泰菜餐厅的水准，都只是收六十几蚊，穷人恩物。
另一个煲仔菜我叫左，虾干鱼肚浸娃娃菜 $64 。
呢个𩠌就相对冇咁抵食，得少少虾干同鱼肚，其余都是娃娃菜，低成本制作。味道是可以的，咸淡适中。但是如果佢俾多几条虾干，我会满意DD。
叫小菜加 $19 有饭同饮品，都尚算合理。
奶茶同咖啡都是得的。
坐吓坐吓，原来出面已经堆满等位的人，果然系打工仔的饭堂。
有 service 冇加一，呢点十分欣赏，支持！
张贴
