茴香 (已結業)

今次去咗尖沙咀食半自助，餐厅主打泰式x 西式fushion 路线，室内环境简约舒适，仲设有露台座位，一边食野、一边欣赏风景也是人生一大乐事。半自助餐分为三/四/五道菜，价钱由$368起，包括任食沙律吧、前菜、主菜、汤、甜品。我地拣咗四道菜，首先就出去沙律吧拎沙律开开味蕾先，点知发现沙律吧竟然有加拿大雪场蟹脚，真系好惊喜。除咗蟹脚仲有唔同种类嘅芝士、灯笼、茴香鸡肉沙律、藜麦番薯沙律、生果、三文鱼脆脆等等。是日餐汤今日系南瓜忌廉汤，南瓜汤味道浓郁，仲有南瓜蓉，十分足料。前菜泰式小食拼盘泰式小食拼盘有烧猪颈肉、墨鱼饼、鸡翼、虾片、春卷等，并附上两款酱汁。炸物火喉控制得好好，尤其是猪颈肉，入口软滑，香茅味浓郁，墨鱼饼初初以为系薯饼，咬落有粒粒墨鱼，足料又好食。椰香红咖喱软壳蟹配烤饼软壳蟹都几大只，红咖喱香味十足，带淡淡椰香，味道辣辣地，蘸薄饼吃更滋味。主菜香煎鹅肝黑松露鸡卷鸡皮煎至微脆，鸡肉入口软腍，里面卷住鹅肝同黑松露，令味道层次更丰富。香煎美国顶级牛板腱牛板腱煎至五成熟，肉质嫩滑多汁，牛肉味浓厚，脂肪较少，配菜有薯仔同芦笋。