555 Thai Fusion

营业中

休息中

新港城中心呢个新装修开业泰国餐厅，餐厅空间感好大座位都唔少，坐得舒服。泰式卤猪手 $78无骨嘅卤猪手，卤得好入味。猪手原本就已经好大只好多肉，起埋骨食落仲要啖啖肉劲方便。卤汁个味够香，猪手吸收晒d卤汁香味，个皮劲弹有胶原感又唔算太肥所以食落都唔会话太腻。泰式软壳蟹 $118两个只既软壳蟹炸件，炸粉唔厚，食落脆身，本身蟹味够咸够鲜甜。咖哩偏杰身同埋小辣，捞饭食好好味，可以食得几碗饭都得。泰式炒河粉-猪 $88 大片既河粉，油唔会太多干炒都唔太差。猪肉片多够厚身，味道适中唔会太咸，锅气够热够香。鸡油饭 $18糯米饭 $18饭就不过不失啦，够晒热。冬荫荔枝特饮 $58呢个特饮几特别，感觉真系似饮紧冬荫公咁。加左香茅同柠檬叶，饮落几清新而已几香。不过原来仲有条辣椒，真系十足饮紧冬荫公咁，愈饮愈辣饮到成个人暖晒。成杯特饮甜甜地嘅荔枝味又有好香嘅香茅同柠檬香，再加埋辣椒嘅刺激感真系几特别。手工红枣姜茶 $42/壶一壶热辣辣嘅姜茶好岩女仔饮，唔太甜，姜味又唔会超浓饮唔到，饮到咁上下又可以再加水继续饮，愈饮愈暖，几好。