泰廳 (已結業)

一直以来，泰国菜都系我嘅favorite。 慢慢发觉 ，原来元朗都开咗越嚟越多嘅特色泰菜。今日无意之间经过，见到元朗嘅泰厅原来搬咗位置，于是就心思思想入去试一试。午市套餐选择都有好多，例如一般嘅捞檬，汤河，又或者炒粉面。星期一至五仲做紧一个优惠，可以加十几蚊加配一啲小食。最后就拣咗香叶肉碎煎蛋烩饭。因为怕分量太少，最后加咗一个泰式凤爪。后来发现呢个选择好唔明智。等咗唔使4分钟左右，个饭已经到咗。份量系超级之大，无论系豆角，肉碎，酱汁，定系饭互相配合之下非常之夹。有少少微辣 ，食得出用咗好多香料，好简单但好满足。发现自己食咗一半已经非常之饱，最后打包凤爪做下午茶