金泰園 (已結業)

入嚟屯门玩完，系时候揾食，朋友仔话好想食泰国野，我地就去食呢间金泰园。睇下食咩先，呢个二人餐好多嘢食，啱晒！泰式酸辣凤爪，酸得来微辣，正！马来盏炒杂菜，啲菜唔会太过火，炒得够香有辣味。地道粉丝大虾，用煲仔上菜，粉丝超入味，大虾好肉地有咬口。泰特色海南鸡，滑滑无骨海南鸡，啖啖肉，我最爱。泰式虾头油炒饭，饭粒炒得好松，粒粒分明，有虾香味。饮品叫咗热龙眼蜜，有好多龙眼肉，够甜。跟餐仲有甜品送，今日系椰汁糕，够椰香味，底层系啫喱，唔会太甜。