影片
更多
2018-09-13
861 浏览
去茶餐厅谂起嘅食物，自然大多数都会想起港式、乜餐物餐、炒粉饭面。最近，就去咗一家「茶记」，卖嘅喺东南亚菜，名字叫「阿来」，有好食嘅意思。先总结一下，食物唔算超高班，但亦绝不失礼，比起正式卖东南亚嘅菜馆，收费大概平两、三成，收咁嘅价，性价比高，所以，真喺太抵食！可能跟你平时去嘅东南亚菜馆唔同，无传统嘅东南亚风装修，一入去完全喺茶记格局，环境以光猛为先，墙身贴上唔少食物相，水吧位叠起「黑白奶」，唔睇餐牌你就一定觉得入咗间茶记。无豪装，更唔收加一，换嚟嘅就喺抵食嘅东南亚菜。餐牌就喺底面两页A4纸印晒出嚟，小食、沙律、汤品、小菜、海鲜、蔬菜、饭面……多款星马泰菜式。另一版就喺啲套餐、特色饮品及甜品。留意，点粉面饭，都有饮品加配优惠。柚子鲜虾沙律 $68虽然无讲到明喺唔喺金柚，但质素唔差，柚肉拆得大大件、一梳梳，清甜爆汁，而且，份量都唔少；鲜虾亦唔喺细细只𠮶啲，去晒壳，大只爽甜；淋上酸酸辣辣嘅酱汁，此外，洒咗唔少炸椰子片，好有泰式风味之外，越食越开胃。马拉盏炒四大天王 $68老婆喜欢食菜，故一眼就睇中呢道四大天王：秋葵、椰菜苗、臭豆同豆角，不过，臭豆改咗荷兰豆，因为臭豆都曾经食过，好似蚕豆咁，一
可能跟你平时去嘅东南亚菜馆唔同，无传统嘅东南亚风装修，一入去完全喺茶记格局，环境以光猛为先，墙身贴上唔少食物相，水吧位叠起「黑白奶」，唔睇餐牌你就一定觉得入咗间茶记。无豪装，更唔收加一，换嚟嘅就喺抵食嘅东南亚菜。
餐牌就喺底面两页A4纸印晒出嚟，小食、沙律、汤品、小菜、海鲜、蔬菜、饭面……多款星马泰菜式。另一版就喺啲套餐、特色饮品及甜品。留意，点粉面饭，都有饮品加配优惠。
柚子鲜虾沙律 $68虽然无讲到明喺唔喺金柚，但质素唔差，柚肉拆得大大件、一梳梳，清甜爆汁，而且，份量都唔少；鲜虾亦唔喺细细只𠮶啲，去晒壳，大只爽甜；淋上酸酸辣辣嘅酱汁，此外，洒咗唔少炸椰子片，好有泰式风味之外，越食越开胃。
柚子鲜虾沙律
$68
13 浏览
0 赞好
0 留言
马拉盏炒四大天王 $68老婆喜欢食菜，故一眼就睇中呢道四大天王：秋葵、椰菜苗、臭豆同豆角，不过，臭豆改咗荷兰豆，因为臭豆都曾经食过，好似蚕豆咁，一啲都唔臭，口感粉粉哋。揾马拉虾酱嘅马拉盏炒，咸咸香香，够晒惹味。
香芒蟹肉炒饭 $58本来打算食喇沙，但见有道「香芒蟹肉炒饭」，只卖$58，睇落好抵吓。咪睇饭面都几粒蟹肉、几粒芒果，感觉好似好揾笨，但食落就知饭内仲混有蟹肉同芒果粒，虽然整体唔叫好多，但算交足货；况且，啲饭炒得有水准，爽身，唔油，而且，份量十足，所以，真喺抵食嘅。
椰青 +$20由于点咗个炒饭，所以，可以以优惠价加配个椰青，散点要$35架。老婆就最钟意饮呢一类天然嘢，清甜，凉凉哋，唔会太冻；饮完仲可以刮埋啲椰青饮肉食，软滑清甜。
荔枝梳打 $22因外面都喺持续高温，所以，一坐低就点杯荔枝梳打爽一爽，大杯得嚟好多冰，爽就爽，但几快饮完，而荔枝味都只喺沿于荔枝糖浆。收得平，最有诚意嘅小店，我就觉得荃湾嘅「韩阁」喺其中一家，虽然喺罐头货，都有几粒荔枝过你咬吓。咪睇少𠮶几粒罐头荔枝呀，成本唔会好多，但俾客嘅感觉差好远。
三道菜、两杯特饮，无加一，都喺二百头，定价非常亲民，食到我两公婆好饱，连甜品都无点到。嚟得呢度预咗唔喺食环境，但难得服务比预期好，唔会好似某啲茶记咁又恶又串串贡，落单慢啲都好似阻佢赶投胎咁。
张贴
