泰拍耶

营业中

休息中

今日去黄埔天地泰拍耶食泰国菜，叫咗炸鱼饼、泰式椰汁鸡汤、马拉盏炒椰菜苗、同埋菠萝炒饭。 鱼饼有四件开边，每件都热辣辣同埋食得出完全系泰式风味， 有啲香草味喺入面，点埋佢个酸辣酱食一流。 泰式椰汁鸡汤平时就比较少机会见到，所以今次特登点嚟试下，椰汁味好重加埋有啲泰式材料一齐煲，个汤好鲜味，亦都好有鸡味而且汤入面啲鸡肉好嫩滑可以当𩠌咁食，同埋入面啲菇好多又好好味。 而个马拉盏炒椰菜苗就好浓味，马拉盏味好重，因为用咗菜苖嘅关系，所以啲菜每口都脆唔会有菜渣。 菠萝炒饭入面就有好多料，例如鱿鱼、大虾、花生、肉松、青瓜、菠萝、青豆等等， 捞埋一齐食，各种味道同口感都有，正！