木船 (已結業)

呢间木船泰国菜真系可以称得上是平靓正之选。餐厅比想像中大，但系都座无虚席，一踏入食饭时间，就已经全场爆满。餐牌显示的菜色有好多款，而且同一般泰式餐厅有唔同之处，无论饮品，以致简单及普遍的菠萝炒饭，都有其特色及别具风格之处。泰式木瓜沙律，清新、爽口，酱汁略带酸甜，作为开胃菜，实至名归！泰北生菜包，肉碎炒得干湿合宜，香料配搭得恰到好处，辣味够晒刺激，生菜经过修剪处理，又靓又新鲜，数量亦足够包D肉碎，真系好好味！杂错野菇炒金边粉，用竹碟盛着啲金边粉，够晒特色，卖相好大碟，配料有好多，有菇菌、豆干、芽菜、鸡蛋、仲有鸡肉，金边粉炒得够松散，唔会桨住一嚿嚿，配上泰式香料、花生碎，食落好香口，金边粉亦都好有质感。咸肉炒椰菜苗，平时比较少食，所以叫咗呢碟，椰菜苗好翠绿，食落略为偏硬，但系啲菜好新鲜，令人食得放心。两杯饮品，一杯是粉红色的迷人小象，同另一杯士多啤梨饮品，都调校得相当出色，饮品清新，不会太甜、太漏，而且在炎热的天气下，饮落令人觉得非常消暑。