Helen’s

营业中

休息中

同男人逛过星光大道后，打算行去厚福街揾嘢食，男人望到呢间小酒馆，想要上去chill 一 chill，不过佢呢期要戎酒㖞，想享受轻松气氛？好！踏出升降机好似走入咗另一国度，门外几条木雕柱、雕像、摆设等配合埋轻松音乐，有一种莫名嘅亲切感，店内面积都几大，装修充满泰印风情，令人感觉安心、舒坦。选择窗边座位，喜欢开扬嘅景观，又可以观察厚福街入夜嘅变化。枱面放咗几个骰盅，可以边饮、边食、边玩，今晚我哋祇想放松一下。男人近期要戎酒精，叫咗支梳打水都系$28，仲附送一片青柠，抵饮。我嘅百里香，清雅精致，入口顺喉，味道微甜清新，然后一阵不同层次嘅香味，酒精感唔太重，好饮！鸡件热辣辣炸起，咬落外脆，肉质嫩滑，有肉汁，配埋沙律酱，系几正嘅送饮小食。最钟意就咁拎住鸡骨肠食，肠衣烤到卜卜脆，咬落啖啖肉，肉味香浓，配埋酱汁一齐食更正。海鲜忌廉汁意粉材料有虾、蚬肉、芦笋...，意粉软硬适，酱汁香浓，好食呀！男人话呢度感觉好舒服，好钟意呢度嘅气氛环境，饮品抵饮、小食又抵食。见有客人带埋生日蛋糕，问一问原来唔收切饼费！佢即话要响度搞生日会㖞。