喜泰味

营业中

休息中

今晚嚟到长沙湾呢边食晚餐，好近站，出面呢度有好几间连住嘅餐厅 ，货柜造型，好得意！我哋就选择咗其中一间----喜泰味环境相当唔错超级多嘢食一坐低，店员就会亲切咁送上水同埋一碟虾片， 以为系送嘅应该都唔会特别好味， 点知，原来真系好好味！沙嗲串烧牛，呢个串烧卖相吸引，肉质鲜嫩，已经腌得好入味， 再配埋特有嘅沙爹酱 ，真系十分好味！椰香青咖哩鸡煲， 我真系好钟意食呢个煲，其实佢有三款选择嘅 ，有鸡煲啦，牛腩煲，或者杂菜煲，由于我已经选择咗串烧牛，所以呢，就选择食鸡，呢个煲唔单只得肉，亦都有好多蔬菜嘅配搭， 有豆类啦，金针菇，茄子等等。 主要系佢个青咖哩酱汁，实在系太好味啦！ 以往我食开嘅青咖哩，都觉得好辣！但系呢个可能因为有椰汁嘅中和佢就一啲都唔辣，但系味道就啱啱好，我可以用个汁，配送三碗白饭！蛋黄鲜虾炒金边粉， 色泽鲜艳 望落就好有食欲， 佢个金边粉炒得好靓！ 鲜虾弹牙！味道适中，分量又多！ 简直系最值得叫嘅一道菜！