影片
更多
2010-10-10
57 浏览
9-10-2010星期六最喜欢到静中带旺的地区揾食, 上星期去了西环尾 (食乜嘢: http://www.openrice.com/restaurant/commentdetail.htm?commentid=2121315), 是日就去大坑吧; 不过嚟到又无乜心水, 见呢间未食过又好似几地道 (起码餐牌有泰文字), 又试试. 2 人叫了一人一饮品, 另 share 一碟炒饭, 一客沙爹串烧及一份小食, 整体无样好食之余, 仲感受到佢几无诚意, 真 xyz 龙眼冰: 初时觉得几清甜, 味道仲唔知点解有点台式「冬瓜茶」的影子 (!?), 但愈饮又愈觉得太甜... 不过好在 d 冰够多, 加埋「溶冰」就甜度刚好. 串烧沙爹猪 (半打): 只系用长牙签串住无腌过的切条猪扒, 咬落好韧又无味; 酱汁带点椰味, 少少辣, 唔算惹味, 但既然猪肉本身无味, 蘸嚟食较好都唔出奇吧.炸海鲜扎: 卖相有点似「贵庚」(即系乜: http://www.openrice.com/restaurant/commentdetail.htm?commentid=1955314), 食落原来系腐皮包住疑似鱼肉
星期六最喜欢到静中带旺的地区揾食, 上星期去了西环尾 (食乜嘢: http://www.openrice.com/restaurant/commentdetail.htm?commentid=2121315), 是日就去大坑吧; 不过嚟到又无乜心水, 见呢间未食过又好似几地道 (起码餐牌有泰文字), 又试试. 2 人叫了一人一饮品, 另 share 一碟炒饭, 一客沙爹串烧及一份小食, 整体无样好食之余, 仲感受到佢几无诚意, 真 xyz
龙眼冰: 初时觉得几清甜, 味道仲唔知点解有点台式「冬瓜茶」的影子 (!?), 但愈饮又愈觉得太甜... 不过好在 d 冰够多, 加埋「溶冰」就甜度刚好.
串烧沙爹猪 (半打): 只系用长牙签串住无腌过的切条猪扒, 咬落好韧又无味; 酱汁带点椰味, 少少辣, 唔算惹味, 但既然猪肉本身无味, 蘸嚟食较好都唔出奇吧.
炸海鲜扎: 卖相有点似「贵庚」(即系乜: http://www.openrice.com/restaurant/commentdetail.htm?commentid=1955314), 食落原来系腐皮包住疑似鱼肉胶, 带少少五香味, 不过质地粉粉腍腍, 乜咁似(面粉)鱼肉烧卖? 夹多两件亦发现碟底油渍劲多, 唯有放弃吧.
「虾长炒饭」: 英文写 "shrimp paste", 应该系虾酱炒饭吧? 嚟到却变了一堆湿湿腍腍又无虾酱味的饭, 旁边则围满配料 (酱油猪肉, 泰式腊肠, 咸蛋, 生洋葱, 生豆角粒, 辣椒粒及青苹果丝), 零「炒」过的痕迹㖞, 未 ready 就拎出来 serve? 好啦, 自己将配料捞饭吧, 食落又唔系太难食, 但呢味同小朋友将未做完的劳作求其拎去当美术功课交一样, 诚意负分, 100 个 thumbs down!
「泰式冻茶」: 朋友快饮晒佢杯龙眼冰了, 我 order 的「泰式冻茶」就食晒成餐饭都未嚟, 朋友就帮我追单, 而得到嘅回覆系店员死撑「嚟紧0架喇, d 茶啱啱得咋嘛」, 跟住半分钟内「啪」一声「掷」杯茶俾我, 再踩朋友一脚又唔讲 sorry -- 想点? 味道就同天后𠮶间的 (http://www.openrice.com/restaurant/commentdetail.htm?commentid=2065056) 差不多, 一样带点「凉粉」及不知名 spices 的味道, 不过 aftertaste 怪怪的, 睇嚟泰式奶茶都系唔啱我的了.
另送了是日糖水: 系椰汁黑糯米, 虽然质地好稀, 黑糯米奇少又硬硬的, 不过起码味道系正正常常的椰汁味, 成餐饭最好食睇怕系佢了.
食物唔得, 招呼就唔使讲啦, 每人丢低 $65 立即要转场沟货, 呢度真系请我都唔想再来.
都好耐无试过食泰国嘢食得咁唔满意, 莫非被自己地头的泰菜馆宠得太坏了?
张贴
