小曼谷海鮮燒烤屋

营业中

休息中

限聚令终于放宽啦！为左庆祝阿哥生日，我地一家好难得出街食饭。果日落住毛毛雨，我地一家又好少去九龙城，好彩佢个location好易认先无荡失路。系间店嘅门口有一只好抢眼嘅橙色公仔，一定无可能唔认得！果日dinner时段都几full架，但待应姐姐都好有反应，一扬手就即刻走埋黎听order，完全唔会因为人多就被冷落，好抵赞。 果日食左好多野，都好好味。今次特别想推荐佢个烧盲𫚧、咖哩炒青口、蒜蓉包。首先上枱嘅系最惹味嘅combo： 咖哩炒青口、蒜蓉包。 屋企人对于青口、蚬果啲系好狂热嘅，所以呢个combo系劲快就被的地清晒了。蒜蓉包系好重蒜蓉果只，相反比较淡牛油味。我个人prefer 重牛油味嘅多啲，anyways 个主角系个咖哩。呢间店嘅咖哩系遍甜嘅，唔辣，所有人都岩食！上枱盲见到佢个鱼皮烧得好脆，啲鱼鳞清得好干净，鱼肚位置系填满左香草。一打开锡纸包，就已经留晒口水。佢个鱼肉渗了香草味，烧得好嫩、好滑，加上鱼肉个质地好厚，唔肥腻。我地一家对于食鱼真系一般般，但条鱼上到枱都唔使廿分钟已经无晒。