泰一 (已結業)

晚上9点几先至去食饭，餐厅都有几枱客，个环境都几嘈，因为其中一张枱𠮶啲食客讲嘢讲到好大声。我哋都叫咗一个杂锦拼盘同原只椰青海鲜焗饭。 侍应完全冇谂过俾个碗或者碟我哋，所以我哋要就住咁食。白云凤爪都唔错，最好食系啡啡哋色𠮶嚿鲮鱼球肉，炸得好香又有啲泰式香料嘅味道，个春卷好油腻，炸鸡翼唔新鲜过咗气。OMG! 完全唔系我想要嘅，佢上面𠮶pat椰浆想点呀?椰浆、饭、海鲜完全冇融为一体，失败! 而啲海鲜又冇乜味。 隔离𠮶杯椰青水，底部𠮶啲全部都系椰壳碎。食呢个饭嘅时候，侍应都冇谂住俾碗我哋，问咗佢两次，最后佢掟系张枱度。