船皇 (謝斐道) (已結業)

呢间泰粉系我嘅喜爱之一，佢虽然系一间平民餐厅，但佢嘅食物质素真系超高，无论系野饮，小食，菜类定系汤面都做到超水准，今日就等食过N次嘅我嚟介绍吓啦😏🥩澳洲和牛船面，顾名思义里面就只有和牛，佢哋系绝对唔会俾你外卖返去嫁，事关和牛呢一样嘢外卖始终有影响佢嘅肉质，为保持佢嘅鲜度，想食嘅就要堂食呀👍🏻👍🏻和牛嘅肉质超爽，肥瘦均匀，唔会太熟又唔会太生，佢嘅牛味好出，配埋汤底加面一齐食都绝配㗎😋😋另外一碗就系船皇汤米粉，船皇㖞，梗系咩料都有啦，牛腩，牛肉片，牛肉丸，鸡翼，鸡丝，猪肉，猪肉丸，猪润，成八款𩠌咁多㖞，仲唔系皇😈，正所谓牛肉有牛味，猪肉有猪味，虽然每款嘅份量唔多，但佢样样嘢质素都高嫁😆😆系佢地既面当中，汤底系超级浓郁，色泽浓之余味道亦都好浓烈，佢仲可以有得拣面底，金边粉，河粉，米粉，粗幼面都有👍🏻👍🏻，但佢每个汤面嘅面底都系比较少都唔系太饱泰仔奶茶就梗系必叫啦，佢都有分冻同热，因为系铁碗嘅关系所以佢嘅冰冻程度可以维持好耐，仲要冇冰嫁😆，味道都特别浓，不过佢嘅太仔奶茶比起出边茶记嘅奶茶系有啲唔同，唔同嘅就系比较甜同埋冇咁重茶嘅浓味，出色出色🤣🤣