泰 (銅鑼灣廣場二期) (已結業)

朋友话想食泰菜，就脚揾返铜锣湾区。此店环境光鲜，而且卡位阔落坐得舒适，设有晚市二人及四人套餐，价钱合理。鲜虾柚子沙律 $88柚子清甜捞左青瓜丝多了份爽脆口感，仲有鱼干仔好香脆，沙律底汁酸辣越食越开胃。泰式小食并盘 $118炸虾饼里有虾肉好嚼口，鱼饼香口，春卷脆卜卜，蘸埋泰式辣酱酸酸甜甜。单骨鸡翼鸡皮酥脆肉嫩，串烧鸡和串烧猪啖啖肉口感满足，蘸埋沙嗲酱非常惹味。咖哩炒软壳蟹 $168蟹件大份炸得香脆，配料有葱段、红萝卜、红辣椒及粟米芯等。黄咖哩汁甜而不辣，酱汁较浓稠，叫埋薄饼索汁食都唔错。香酥薄饼 $32薄饼三块，酥皮有几层，咬落唔油腻少少淋，配上青咖哩汁微辣好香口。想一滴不留清晒软壳蟹既咖哩汁就靠晒个薄饼。椰汁珍多冰 $48冰冻椰汁清甜可口，甜度适中，解辣一流。