泰聚 (已搬遷) 新店位置

泰聚-同朋友「泰」好聚地方一讲起食泰国野第一时间会谂起九龙城，唔系朋友带路，我都唔知太子有间咁高质素既泰国餐厅。「泰聚」既装修有别于其他泰国餐厅，全店以黑色为主，配上店主爱好既Bearbrick，唔打开餐牌真系估唔到系泰国餐厅。🐻原个西瓜沙冰 $58西瓜沙冰卖相非常吸引，绝对适合呃like用，西瓜沙冰非常好饮，可能因为天气热，差唔多枱枱都order一个，我紧系唔执输。🐻泰式小食拼盘（小）$168由于我个人好为食样样都想试，所以就叫咗个小食拼盘。虽然叫既系细size，但份量一d都唔细，拼盘包括鸡翼、虾饼、鱼饼、春卷同香叶包辣鸡，全部即叫即整，上枱热辣辣。我个人最钟意食虾饼，外层脆，肉质弹牙，配埋泰式辣酱劲惹味。🐻粉丝汤（肉碎）$88食完一轮热气野最岩就饮返碗汤，粉丝汤好足料，除咗大量娃娃菜外，仲有玉子豆腐、蘑菇、红萝卜同芫荽，貌相虽然平凡，但超有内涵。🐻原个菠萝鲜虾鸡肉炒饭 $108菠萝炒饭分量十足，除咗虾同鸡肉外，仲有青口同鱿鱼，炒饭湿湿地，但好有𡁻口，菠萝酸酸甜甜，加埋肉松同腰果，十分醒胃。🐻椰汁西米糕 $48椰汁西米糕层次分明，上层椰奶味香浓，下层味道较为清甜。