Siam 28

营业中

休息中

之前来过Siam 28食lunch，真心觉得唔错，今次再同朋友嚟食晚饭。 专登黎试吓佢哋嘅特色Thaipas，我哋叫咗生虾之外，见到openrice咁多人叫炸通菜，我哋又试吓先。 泰小碟来讲，佢真心大碟，生虾够新鲜，虾肉够爽脆，个人推介配搭传统青辣椒汁，酸酸辣辣非常开胃，而且将虾头脆炸，一只虾食到两种食法。正！ 这碟炸通菜非常香脆，兼且可以点上自己喜欢嘅汁酱，感觉似食薯片几香口，但朋友觉得有油左少少，下次可以唔使咁重手。 主菜则点了干炒鱼肚同泰式猪手，之前系openrice都见到好多人介绍呢个猪手，今次专登嚟试吓。 这碟干炒鱼肚与虾仁及鸡蛋同炒，炒得够镬气，味道刚好，好吃。 这个泰式猪手见好多食友都推介，果然名不虚传！猪手整得非常入味， 肉质嫩滑，猪皮很焾而且入口即溶，果然好介绍。 希望下次多D人黎，可以试餐牌上更多东西。