小曼谷泰國美食 (已搬遷) 新店位置

而家泰式餐厅越开越多，特别系九龙城𠮶边，所以而家一淋起话要食泰菜，就会去𠮶边稳食，食过几家，觉得味道都系一般，今晚就经朋友介绍嚟到小曼谷泰国美食餐厅，佢话基本每次食泰菜都系嚟呢间，佢话做得比较正宗地道，价钱又唔算贵，如果去得迟基本要等位。所以一收工就即刻扑过去攞位，但都系要等，好彩前面只有两个号，D靓女态度好nice，莲子容咁嘅面口。冬荫功连上枱嘅时候都会用个火炉仔煲住，保持汤嘅温度，可以等我地慢慢食，唔洗惊食到个汤同入边嘅料冻左唔好食，淋得比较周到，虾肉大大只，而且新鲜大头虾，基本都会有膏，我见隔离有个女仔将虾剥壳再放入去煮，可能系咁样煮过会更入味，酸酸辣辣好啱做头盘菜，好开胃。明炉酸辣煎乌头同泰式大拼盘都系一样价钱$ 158，夏天食特别钟意食酸辣嘢，鱼煎得好香，又以酸辣调味，好有胃口。泰式大拼盘，有四样嘢食，其中最爱系鱼饼，虽然油炸过，但依然可以食得出鱼香味。海南鸡肉好入味，海南鸡做法比较复杂，一般系屋企好少整，出嚟食过好多次，呢度算系做得比较好，鸡肉滑，吸收晒D调料味，还可以，食完再整返杯珍多冰，呢餐晚饭就算完满结束喇。