影片
更多
2024-08-30
301 浏览
夏日热辣辣又系时候食泰国嘢，今次都系去啲近市区嘅，去九龙湾淘大商场嘅外围有一间泰cool，之前有食过佢哋弥敦道嘅分店，知道佢哋搬咗去九龙湾一段时间所以就去食返呢间。呢间近佐敦谷游泳池多啲，所以搭地铁嘅话经牛头角下邨出口过去会近好多，去到餐厅门口见到有分两个部分有室内同室外，适合晒钟意坐出面或者坐入边嘅朋友仔。一入到去见到位置都好阔落，首先系有猫店长嘅王位，见到两只猫仔都喺度休息紧，之后就安排我哋入座，有大枱适合十几人一齐食，亦都有四人大枱，好似鸟笼咁样包住自己，餐厅中间嘅装饰仲有一只马骝。餐厅有播广东话歌之余，亦都有电视播放足球赛事。见到多人枱嗌咗个好高嘅啤酒桶，最明好适合大班嘅聚会。同朋友分别叫咗泰式生虾刺身，小食拼盘，主菜就叫咗个香芒蟹肉炒饭，咸鱼芥兰炒猪颈肉，饮品就叫咗椰子冰同咸柠七。 说是迟那时快，饮品已经上咗喇，咸柠七朋友话酸味好足够，饮完之后就更加有胃口食嘢。椰子冰就好惊喜，唔会有化学味，饮落去系微微椰子嘅原味，唔会越饮越口渴，而且份量亦都好足够，去到食完饭都仲有，而且沙冰打得好够匀，所以唔会话咬到有一旧旧嘅冰。前菜都开始送到喇首先系泰式生虾刺身，店员好贴心咁样喺虾同冰中间
去到餐厅门口见到有分两个部分有室内同室外，适合晒钟意坐出面或者坐入边嘅朋友仔。一入到去见到位置都好阔落，首先系有猫店长嘅王位，见到两只猫仔都喺度休息紧，之后就安排我哋入座，有大枱适合十几人一齐食，亦都有四人大枱，好似鸟笼咁样包住自己，餐厅中间嘅装饰仲有一只马骝。餐厅有播广东话歌之余，亦都有电视播放足球赛事。见到多人枱嗌咗个好高嘅啤酒桶，最明好适合大班嘅聚会。
同朋友分别叫咗泰式生虾刺身，小食拼盘，主菜就叫咗个香芒蟹肉炒饭，咸鱼芥兰炒猪颈肉，饮品就叫咗椰子冰同咸柠七。 说是迟那时快，饮品已经上咗喇，咸柠七朋友话酸味好足够，饮完之后就更加有胃口食嘢。椰子冰就好惊喜，唔会有化学味，饮落去系微微椰子嘅原味，唔会越饮越口渴，而且份量亦都好足够，去到食完饭都仲有，而且沙冰打得好够匀，所以唔会话咬到有一旧旧嘅冰。
前菜都开始送到喇首先系泰式生虾刺身，店员好贴心咁样喺虾同冰中间包一层保鲜纸，令到冰溶雪嘅时候都唔会污染到生虾。 虾肉好爽口弹牙，就咁食就会冇乜味，所以就可以点佢配嘅酱汁，酱汁有蒜蓉辣椒等等，点完酱汁再食，会令虾嘅味道多咗层次，而且都好开胃唔会话辣到系咁饮水，反而系好清新嘅。
之后系小食拼盘佢有虾饼，鸡翼，春卷同鲮鱼饼，全部都系热辣辣上枱，用筷子夹炸蟹肉嘅时候，仲会可以听到炸皮清脆嘅声音，如果觉得食炸嘢会油腻嘅话都可以点去中间嘅酱汁中和番。 值得一赞嘅系虾饼亦都系非常之弹牙，同鲮鱼饼一样唔会话食到好粉，鸡翼亦都系恰到好处唔会话整到过熟，春卷入面亦都有粉丝所以喺脆口嘅口感入面，都带有少少嘅软糯。
炒饭都已经到啦，香气扑面而来。见到蛋之外，亦都有粟米青豆萝卜，面头仲铺满蟹肉。食落去蟹肉冇腥味，而蛋亦都好够嫩滑炒饭，亦都炒到粒粒分明，食落去会有几重嘅口感。咸嘅口感再加上芒果嘅甜，令你到在添上层次。
我最钟意系佢嘅猪颈肉炒菜，虽然系有咸鱼，但系唔会话令到成碟菜都变到好咸，面头嘅炸蒜令到食菜嘅时候，亦都可以增添脆口嘅感觉，猪颈肉亦都唔会话太肥，面层亦都烧到有焦香嘅感觉，菜煮得啱啱好，唔会话过腍同过硬，而且都去保留到菜青翠嘅颜色。
整体嚟讲所有食物嘅份量都好足够，所以我哋都饱到食唔到，本身甜品想食芒果糯米饭，唯有下次再过嚟食。
张贴
