小火山 (已結業)

📍铜锣湾 小火山香港呢几日天气咁冻，最正梗系约朋友去打个边炉。港式边炉相信好多人都食过，但系泰式边炉就真系冇食过。见到时代广场附近有呢一间泰式边炉，地方好就脚，有朋友就最啱。٩(˃̶͈̀௰˂̶͈́)و餐厅系主打泰式边炉加烤肉，所以每一台都会有一个烤炉同埋边炉，个边炉有两边，可以拣两种汤底。我哋今日就拣咗好骨汤同椰汁鸡汤。汤底非常之浓郁，浸唔同嘅肉类落去都能够吸收到浓浓嘅味道，非常之入味。我哋今次就嗌咗个二人餐，分别有泰式猪肉、牛肉同猪膶。肉类嘅份量都好足够，我哋两个人食完啱啱好，不过就建议如果比较大食嘅朋友，可能要嗌多少少配菜。除咗肉类之外，仲有一碟原只鱿鱼。店员已经好贴心咁样将鱿鱼切成可食用嘅大细，非常方便。而喺食用嘅方法方面，店员就建议我哋先将食物浸落去啲汤度，过咗一阵先拎上去烤，咁就可以令到啲肉汁可以锁住，但系同时间都会香口。而而喺青木瓜沙律方面，份量非常之足够，而且调味都好地道嘅泰式口味，不过对于唔系好食得辣嘅我，如果唔小心咬到辣椒，就真系有啲辣😂但系对于食得辣嘅朋友，应该绝对冇问题。🤫