泰越概念 (已結業)

之前一月生日已经食过，今次再番黎ENCORE。今日唔想食主食，所以今次叫小食为主。炸虾丸，有八大粒，新鲜热辣，仲要粒粒弹牙，食得出有虾鲜味。虾丸黎讲算好抵食。太好食八粒都唔够我地两人分！10/10鸡肉生菜包，酸酸辣辣，偏向辣味比较多，所以好惹味。生菜份量仲要好多。9/10越式春卷，皮脆肉有咬口，但肉唔系好够味，仲有d生菜，我们用黎食生菜包。7/10牛油鸡翼，有４大只，每只都皮脆肉嫩。鸡肉本身已经有阵阵香矛味道。肉汁都多。唔错。8/10香矛盐烧鱼，鱼肉好嫩滑，容易骨肉分离。加上泰式酸辣汁好好味。可惜我开鱼时将盐弄到鱼肉上，令到某Ｄ鱼肉变太咸，下次都系要叫店鱼帮手开鱼。8/10