Greyhound Café (海運大廈)

营业中

休息中

即使唔系成日去曼谷，都一定有听过呢间泰国名牌 Greyhound Cafe，喺当地嘅热门食肆，杂志FORTUNE更加选佢为最热门餐厅之一，唔少香港名人明星去曼谷都会去朝圣。望穿秋水，终于等到Greyhound Cafe黎香港大展拳脚，第一间喺IFC ，要过海，我哋就唔系成日有机会去试。好彩，佢卒之进军尖沙咀，平时经过都见到佢人山人海，所以一早早有准备BOOK 定枱。虽然系泰国名牌，但系睇佢嘅MENU就知唔系SELL 传统泰菜，反而似系FUSION 菜。泰菜我最钟意嘅系青木瓜沙律系冬荫公汤，所以每次去试新餐厅，我都一定会点呢两个菜式。睇其他嘅食评话呢度嘅串烧好得，所以我哋都叫咗一客试，最后就加多一个带子扁意粉。我个人一向都钟意食啲偏酸嘅青木瓜沙律，所以呢度就岩晒我口味，又酸又辣，够晒开胃。冬荫公我就嫌佢略淡，无乜酸味。个扁意粉其实都OK，最令人失望嘅反而系个串烧，烧得比较干身，有啲名不符实。