心。泰 (已結業)

上2个礼拜, 同班姊妹出唻聚旧, 拣左睇唻旺中带静o既心泰食, 贪佢环境好可以畅谈八卦野我地本身都几钟意食泰国菜, 亦算食得辣(虽然唔算嗜辣), 但我地个晚6位都同时觉得呢间泰国菜真系好辣, 个晚系不停叫个waiter添水...软壳蟹米纸卷, 椰青海鲜焗饭, 虾酱通菜, 大虾柚子沙律, 咖哩鸡+薄饼, 猪颈肉饭, 等等...我地由第一道通菜, 已经发觉好辣. 软壳蟹米纸卷中和左一下, 点知唻个大虾柚子沙律, 我本身好钟意食柚子沙律, 但呢碟系全晚最辣, 每人食左2小啖, 决定放弃呢碟o野. 之后唻个d, 已经食唔到咩味觉啦..真系唔知系咁o岩个厨师问题, 定系呢间不嬲都系出名辣呢? 平均我地每人系饮左3大杯水...之后每人点左唔同甜品, 唔记得点左咩, 大约系香蕉布甸, 雪糕+cake, 心太软等, 每碟个卖相都好靓, 不过味道麻麻.主菜太辣, 甜品太甜, 所有味道都over左咁...唯一好处: 因为大家都太辣食唔落, 咁又多左时间挂住讲八卦野, 气氛离补到...