泰越概念 (已結業)

星期三夜晚,约埋屋企人去食野,今次我地去食泰国菜。餐牌餐牌设计用白底绿叶做成，好有大自然感觉食物：A.鲜虾柚子沙律一份柚子沙律差唔多够两至三个人份量：由虾、柚子、生菜做成：柚子肉多汁，而且好甜。虾肉都好鲜甜。落左青柠汁，令到沙律更醒胃。B.)海鲜冬阴功汤呢个汤用小火炉烘住，令冬阴功汤保持佢嘅热度。汤外表面橙橙地色：闻个阵有好青柠味。到睇下入面有草菇、冬菇、虾、青口、香茅叶同指天椒：初时饮落有海鲜嘅甜味，之后个辣味慢慢由脷底走上嚟。好出色。炸虾饼炸虾饼外层炸到金黄色，入面好软。食落去有好香嘅香茅味。点埋餐厅提供嘅泰式辣酱,有少少甜但有少少辣。好惹味。餐具餐具比出面特别,匙羹比平时长身羹位较为扁平。但真系好干净。装修灰色嘅梳化配合白色嘅墙身、木做嘅台同櫈：加上淡黄色灯光。成件事好配合，俾人一种好放松嘅感觉。服务态度侍应应变能力高,当我地台面摆野无咩位：会自动会帮手移一移个位，腾空一啲位置。当我地碟上无食物，就会问我地：「请问仲要唔要？」当我讲唔要才收碟。