小曼谷泰國美食 (南角道)

营业中

休息中

自从去完清迈后，成日都挂住泰国D美食，由其是汤面、炒面，真系谂起都即刻想去食，见上星期要出去九龙城返工，当然衬机会买D泰式炒饭、炒面返屋企做晚餐。依间小曼谷泰国美食邻近宋皇台站B2出口，岩晒我买完可以即刻搭车返去。点左菠萝海鲜炒饭和泰式鲜虾炒金边粉，两者份量都几多，但我觉得佢最有诚意系佢地D海鲜，好多泰式餐厅炒D乜乜粉面，都系会用上冰鲜虾，但睇依两款自己望到好大分别，用上新鲜大虾，虾肉自然够晒香浓爽弹。原本打算点串烧拼盘，但怕太多食唔晒，所以自选几款串烧，点左猪肉、鸡肾和两只鸡全翼，食咩串烧都好，沙嗲酱相当重要，个人最钟意系佢嘅鸡肾，沾埋酱汁，更香口惹味。最后点少得甜品，原只芒果糯米饭，份量十足，糯米软糯有口感，配上香甜椰汁，一口芒果一口糯米，酸酸甜甜，份外滋味。