影片
更多
2015-10-09
327 浏览
旺角…俾大家嘅感觉系……好多自由行、金铺、药房(7仔同OK都开始唔再有间喺左近)，所以我同朋友聚会都开始向尖沙咀方向移去~今日食咩﹖登……登……泰国嘢……我其实真系好钟意食泰国嘢，不过亲身去泰国食我又麻麻地，所以唯有喺香港食泰国美食今晚嚟呢间都系朋友负责订，尖咀我真系唔系好熟有咩好食~餐厅位于金马伦道大概街尾，去到门口，觉得感觉唔错，近门口已经系鱼生海鲜吧，会见到好多新鲜海鲜任君选择~菠萝冰 - 哈哈，唔知点解去亲泰式餐厅我都系饮菠萝冰，者系好似我去马来西亚一定饮美绿一样生腌濑尿虾 - 平时食泰式生虾多，生腌濑尿虾真系第一次，又估唔到啲肉都系好鲜甜，不过就冇生虾咁爽口弹牙，不过呢个新尝试绝对好味鱼生拼盘 - 哗……呢个鱼生拼盘真系好大堆头，有6款鱼生，象拔蚌、带子、三文鱼、䲞鱼、蛏子、生虾，所有鱼生都好新鲜，平时我地食刺身，多数都系沾豉油、日式芥辣，但系今次就唔系，今次我地系沾泰式辣汁，但系绝对估唔到，原来三文鱼同呢D泰式汁都好夹，朋友本来重担心会好怪，但系一沾，都觉得唔错~生腌奄仔蟹 - 其实呢个同韩式酱油蟹差唔多，不过就冇酱油蟹咁咸，如果你问我，我觉得呢个好食过酱油蟹，酱油蟹果次食
今日食咩﹖登……登……泰国嘢……
我其实真系好钟意食泰国嘢，不过亲身去泰国食我又麻麻地，所以唯有喺香港食泰国美食
今晚嚟呢间都系朋友负责订，尖咀我真系唔系好熟有咩好食~
餐厅位于金马伦道大概街尾，去到门口，觉得感觉唔错，近门口已经系鱼生海鲜吧，会见到好多新鲜海鲜任君选择~
菠萝冰 - 哈哈，唔知点解去亲泰式餐厅我都系饮菠萝冰，者系好似我去马来西亚一定饮美绿一样
生腌濑尿虾
$168
16 浏览
0 赞好
0 留言
生腌濑尿虾 - 平时食泰式生虾多，生腌濑尿虾真系第一次，又估唔到啲肉都系好鲜甜，不过就冇生虾咁爽口弹牙，不过呢个新尝试绝对好味
鱼生拼盘
$458
27 浏览
0 赞好
0 留言
鱼生拼盘 - 哗……呢个鱼生拼盘真系好大堆头，有6款鱼生，象拔蚌、带子、三文鱼、䲞鱼、蛏子、生虾，所有鱼生都好新鲜，平时我地食刺身，多数都系沾豉油、日式芥辣，但系今次就唔系，今次我地系沾泰式辣汁，但系绝对估唔到，原来三文鱼同呢D泰式汁都好夹，朋友本来重担心会好怪，但系一沾，都觉得唔错~
生腌奄仔蟹 - 其实呢个同韩式酱油蟹差唔多，不过就冇酱油蟹咁咸，如果你问我，我觉得呢个好食过酱油蟹，酱油蟹果次食有啲腥，呢个我真系食唔到腥味~蟹壳入面啲肉，一啜就可以啜出嚟，真系好爽XDXD
泰式古鱼柚子沙律 - 柚子沙律好多时我食都系跟虾，今次呢个就跟炸鱼，本来以为佢系炸鱼，应该会好“鞋”，但系又唔系㖞，个鱼炸完都重好滑，当然，小翼我一向都唔好酸味太重嘅嘢，呢个出面有啲会好酸，但系呢个就啱啱好
泰式芝士焗大头虾
$168
45 浏览
1 赞好
0 留言
冬荫公海鲜汤 - 平时我同朋友、屋企人食泰国嘢，都系冬荫公汤唔会饮，但系呢个我见佢同平时𠮶啲好似有啲唔同，就即管试吓，点知，一饮，酸味唔重，可能因为落左比例比较多嘅椰奶，所以冲淡咗辣味同酸味，可能对冬荫公爱好者嚟讲，呢个未必啱佢地口味，但系……就啱我口味XDXDXD
泰国爆炸辣蟹 - 大大只肉蟹，嗯……我觉得如果再辣多少少就会重好，不过朋友都话已经太辣，外面啲香料有啲似系淮盐，好好味，啖啖肉~~
泰园豆腐煲 - 个豆腐系玉子豆腐，好少食豆腐煲用玉子豆腐，另外有猪肉碎、粟米粒、青豆、红萝卜粒，呢个如果有碗饭捞嚟食就一流~
炭烧猪颈肉 - 烧得啱啱好，唔会太㶶，沾汁如果辣少少会重好味~~
西瓜豆腐绵绵冰 - 朋友点咗个榴梿味……我呢啲唔系榴梿嘅梗系点返个正常嘅绵绵冰食喇，其实食食吓已经好饱，但系……甜品系第二个胃食架嘛XDXD虽然唔系太重豆浆味，全晚都食咗咁多浓味食物，呢个绵绵冰清清淡淡，可以中和返
张贴
