Lemongrass (已結業)

今日去左奥海城行街，睇完戏又到左晚餐时间，男朋友上网揾左一间泰国菜餐厅Lemongrass，早早系铜锣湾总店试过一次，味道好滋味，原来奥海城都有分店。男朋友叫左金边粉，蛋网包住金边粉，金边粉炒得够干身，加上花生碎，砂糖，青柠等等，味道更加香口，而且卖相非常吸引。另外叫左一个蚝仔蛋，蚝仔大大只好鲜甜，鸡蛋炒得嫩滑旁边带点焦香，入口好香口蛋味好浓郁。最后我地再叫左一个咖哩龙虾，男朋友超爱龙虾，咖哩味浓好惹味，入口带点椰香，龙虾大大只肉质好爽嫩好鲜甜，调味好香浓超丰富。我地决定下次会再黎试一试其他菜式架。