亞泰

营业中

休息中

自从呢个港铁站开左新商场后，带旺左人流外，仲有多间食肆进驻，今晚试咗呢间泰国菜馆食物种类选择大路，由小食/沙律/咖喱/主食/甜品/饮品都有提供去食泰国菜，欢喜佢地嘅沙律，虽然无绿色沙律菜，但一般都以生果为主打，就好似呢客金柚子沙律 ($68)撕成一小旧嘅金柚子，甜度都几高，又多汁; 配合埋干葱虾皮及花生粒，淋上甜辣味道酱汁，相当醒胃!当你睇完餐牌后想食鸡又想食猪手嘅同时，呢客泰式海南鸡拼猪手饭 ($88)就帮到你，包埋餐汤及油饭，碗油饭仲系满满的，相当丰富!主角海南鸡及猪手，两只都系无骨，可谓啖啖肉; 鸡肉相当嫩滑，点3款酱汁都夹，最爱都系黑酱汁; 而猪手有满满嘅胶质，卤水味道用黎送饭都好好味!唔想咁刺激，叫个中和D嘅马拉盏炒通菜 ($68)，通菜夏天当造，入口无渣，味道刚好，就咁空口食都唔会一味死咸，加入埋蒜头粒一齐炒就多一份香味!同场加映，天气热最"梳干"系叫杯青柠梳打 ($28)，一饮GUR晒!D海南鸡质素咁高，我都唔执输，叫呢碗冬荫海南鸡船河 ($75)，一碗满足到我想饮冬荫公同食鸡嘅"愿望"......哈哈!先试啖汤，冬荫公味道比我想像中"温和"，辣度轻微，偶然饮到有辣椒碎就