泰 (已結業)

今日同朋友喺黄大仙附近揾嘢食，见到有间泰国菜外面装修几有特色，于是入去试吓。入边装修都几有特色，有一个酒柜，同一个project喺度播演唱会。我哋坐低左叫咗个set A二至三人餐，入边有肉碎生菜包猪肉，烧猪颈肉，泰式炒飞天通菜，虾酱炒饭，明火例汤。过咗一阵，明火例汤首先送上，佢用一大个碗装住啲汤送上，入边材料主要有白菜同南北杏。跟住泰式炒飞天通菜亦都送上，通菜上边有少少辣椒，啲通菜食落有少少辣，味道唔错。跟住系肉碎生菜包猪肉，肉碎同生菜放喺同一个碗度送上，一碗大概有6片生菜。啲肉几入味，啲生菜都几新鲜，味道几正宗。之后烧猪颈肉亦都送上，上面有朵花做伴碟，猪颈肉份量唔少，猪颈肉烧得啱啱好，咬落去有啲肉汁系入边。最后系虾酱炒饭，炒饭上边有只炒蛋同埋猪肉松，加上隔离有腰果，可以捞埋啲饭一齐食，啲饭虾酱味都几重，加埋腰果同蛋个组合味道唔错。